Kapet autori i dyshuar i plagosjes së ndodhur ditën e djeshme në Fshatin e Ri, Rrethinat Shkodër.
Shërbimet e Komisariatit të Policisë Shkodër dhe strukturat hetimore të DVP Shkodër, falë reagimit në kohë, veprimeve të shpejta dhe profesionale, krehjes së zonës bazuar dhe në informacionet e marra në rrugë operative, u bë e mundur që në orët e para të mëngjesit të sotëm të kapej dhe ndalohej shtetasi Xhevahir Fikaj., 47 vjeç.
Ky shtetas dyshohet si autorë i plagosjes me armë zjarri të shtetasit I.G, si dhe i plagosjes me sende të forta të shtetasit L.G (vëllezër) pas një konflikti për motive pronësie.
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme.
Kujtojmë se dy vëllezërit u plagosën ditën e djeshme në qytetin e Shkodrës, njëri me armë zjarri dhe tjetri me sende të forta. I dëmtuar me sende të forta ka mbetur shtetasi Lad Gruda, ndërsa i plagosur me armë zjarri ka mbetur vëllai i tij, shtetasi Ilir Gruda. Autori i plagosjes është shtetasi Xhevahir Fikaj.
Ngjarja ka ndodhur rreth orës 09:15, ku gjatë një konflikti fizik për motive pronësie, është dëmtuar me sende të forta shtetasi Lad Gruda, 34 vjeç. Sipas informacioneve zyrtare nga Policia bëhet me dije se konflikti ka ndodhur për motive pronësie.
