Një ngJarje e rëndë ka ndodhur gjatë mbrëmjes së sotme në Tiranë. Një i ri vetëm 15 vjeç ka mbetur i plagosur mjet prerës (thikë) gjatë një konflikti të çastit. Plagosja ka ndodhur në bulevardin “Zhan D’ark” rreth orës 20:45 dhe mësohet se tashmë 15-vjeçari është dërguar për në spital dhe është nën kujdesin e mjekëve. Ndërkohë, ende i paidentifikuar mbetet personi që ka plagosur me thikë të riun.
Në vendngjarje kanë shkuar menjëherë shërbimet e Policisë të cilat kanë bërë rrethimin e zonës e po vijojnë me kontrollin e saj me qëllim që të identifikojnë dhe kapin autorin e ngjarjes. Grupi hetimor është duke punuar për sqarimin e plotë të rrethanave të ngjarjes.
Njoftimi i plotë i policisë:
Tiranë/ Informacion paraprak
Rreth orës 20:45, në bulevardin “Zhan D’ark” dyshohet se gjatë një konflikti të çastit, një shtetas ende i paidentifikuar ka goditur me një mjet prerës (thikë) shtetasin e mitur me iniciale J. K., rreth 15 vjeç, i cili ndodhet në spital, nën kujdesin e mjekut.
Menjeherë në vendngjarje kanë shkuar sherbimet e Policisë dhe kanë bërë rrethimin e zonës dhe po vijojnë kontrollin e saj me qëllim identifikimin dhe kapjen e autorit.
Grupi hetimor po punon për sqarimin e rrethanave të ngjarjes.
