Një ngjarje e rëndë ka ndodhur në qytetin e Durrësit mbrëmjen e sotme. Dy vëllezër kanë mbetur të plagosur pas një sherri me thika në zonën e plazhit në lagjejn 13 të qytetit. Sherri ka ndodhur pranë një hoteli, pas një konflikti që dy vëllezërit kanë pasur me persona të tjerë. Mësohet se dy vëllezërit kanë pasur një konflikt të çastit me një person tjetër dhe kjo është bërë arsye për sherrin që përfundoi me plagosje me thikë.
Ndërkohë, mësohet se të plagosurit kanë qenë të moshës 19 dhe 23 vjeç.Njëri prej tyre është me inicialet A.H. Bëhet me dije se dy vëllezërit janë dërguar me urgjencë në spital dhe se njëri prej tyre është në gjendje të rëndë për jetën. Një nga vëllezërit mësohet se është futur në sallën e operacionit për t’iu nënshtruar një ndërhyrjeje kirurgjikale dhe ndodhet në gjendje kritike pasi ka humbur shumë gjak. Për tjettrin nuk dihen ende detaje. Lidhur me ngjarjen nuk ka detaje të tjera dhe policia nuk ka dalë ende me një njoftim, por mësohet se janë arrestuar pesë persona që dyshohet se janë të përfshirë në ngjarje. Aktualisht policia është duke punuar të të zbardhur ngjarjen dhe rrethanat që çuan në plagosjen e dy vëllezërve.
