Një ngjarje e rëndë ka ndodhur në Skrapar gjatë ditës së sotme ku dy të rinj janë plagosur me thikë. Mësohet se ngjarja ka ndodhur pas një konflikti te castit në zonën e Çorovodës, teksa dy të rinjtë e plagosur janë të moshës 22 dhe 20 vjeç. Fax web shkruan se ata janë në gjendje të rëndë shëndetësore dhe janë transportuar me helikopter drejt Tiranës për të marrë ndihmë me të specializuar mjekesore. Po ashtu janë publikuar edhe pamjet gjatë momentit të transportimit të të rinjve me helikopter drejt kryeqytetit.
Ndërkohë, policia ka njoftuar se autori i ngjarjes është 33-vjeçari me iniciale Xh.M., i cili ka goditur me thiëk dy të rinjtë pas një konflikti të çastit. Grupi hetimor është duke punuar për kapejn e autorit të ngjarjes dhe për zbardhjen e rrethanave që çuan në krimin e rëndë.
Njoftimi i plotë i Policisë së Shtetit:
Më datë 20.02.2021, rreth orës 12:20, shtetasi Xh.M, 33 vjeç, pas një konflikti të çastit ka goditur me mjet prerës (thikë) shtetasit E.M, 22 vjeç dhe shtetasin A.Ç, 20 vjeç.
Shtetasit e dëmtuar janë nisur me ambulancë në drejtim të spitalit Tiranë për mjekim me të specializuar.
Grupi hetimor po kryen veprimet, dhe po punohet për kapjen e autorit të ngjarjes.
