Bulqizë– Dy persona janë plagosur mbrëmjen e sotme gjatë punës në minierën e Kromit në Bulqizë.
Shtetasit me iniciale M.Gj. dhe A.K. janë dërguar në spitalin e Bulqizës ku po marrin ndihmën e parë mjekësore.
Aktualisht janë jashtë rrezikut për jetën.
Sipas informacioneve paraprake, të dy viktimat janë banues në Bulqizë.
Policia njofton se po punohet për zbardhjen e shkakut të kësaj ngjarjeje.
“Rreth orës 20.50, shërbimet e Komisariatit të Policisë Bulqizë, kanë marrë informacion se në minierën e kromit në qytetin e Bulqizës, janë aksidentuar gjatë punës shtetasit M.Gj, dhe A.K, të dy banues në Bulqizë.
Të dëmtuarit po marrin ndihmë mjekësore në spital, dhe aktualisht ndodhen jashtë rrezikut për jetën. Grupi hetimor po kryen hetimet në vendngjarje dhe po punohet për zbardhjen dhe shkaqet e kësaj ngjarjeje”, njofton policia.
