Një ngjarje e rëndë ka ndodhur mëngjesin e sotëm në Fushë-Krujë. Burri ka plagosur me thikë bashkëshorten e tij për motive banale dhe është larguar nga shtëpia.
Ngjarja ka ndodhur pikërisht në banesën e çiftit, ku në shtëpi nuk ka qenë askush tjetër. E plagosur ka mbetur shtetasja A.Gj., 43 vjeçe, e cila transportua në spital dhe ndodhet nën kujdesin e mjekëve.
Ndërkohë policia ka shpallur në kërkim autorin e dyshuar të krimit, shtetasin G.Gj., 43 vjeç. Materialet hetimore i kaluan Prokurorisë Krujë për veprime të mëtejshme.
