Sot para bashkisë Tiranë kanë mbërritur këshilltarët e Partisë së Lirisë, të cilët kanë zhvilluar një aksion me pankarta, ku kërkonin që Veliaj të mos i ikë përgjegjësisë së tij në aferën korruptive të inceneratorëve.
Ata u shprehën se SPAK po kryen hetime të njëanshme dhe të cunguara, lidhur me aferën qindramilionë euro të inceneratorit të Tiranës.
Këshilltari i PL-së, Endrit Braimllari u shpreh para kamerave se “Erion Veliaj nuk mund t’i ikë përgjegjësisë tij, firmave të tij, nga kjo aferë korruptive.
“Erion Veliaj ka pasur dijeni për inceneratorin e Tiranës, ka marrë kompetencat e Këshillit Bashkiak; po me firmën e Erion Veliajn janë propozuar në komisionin e vlerësimit të ofertave dy drejtorët e tij, të cilët kanë mbrojtur drejtpërdrejt, aferën korruptive të Erion Veliajt dhe kanë mbrojtur porositë që jepte Erion Veliaj.
E kemi thënë edhe më parë që çështja e inceneratorit nuk duhet të jetë thjesht një çështje e izoluar, por duhet të ketë një hetim të thelluar, një hetim të fortë për të zbardhur të vërtetën sepse janë qytetarët e Tiranës, që me taksat e tyre paguajnë çdo ditë, faturat marramendëse të një inceneratori që nuk ekziston”, theksoi Braimllari.
https://www.facebook.com/partiaeliriseAL/videos/895824971902672/
