Anëtarja në Komisionin e Rithemelimit, Albana Vokshi ka zbuluar dy arsyet e pjesëmarrjes më të ulët të demokratëve në votimin për kryetarët e degëve në të gjithë Republikën e Shqipërisë.
Gjatë deklaratës për mediat, Vokshi tha se për referendumin e shkarkimit të Bashës ka pasur më shumë qendra votimi dhe demokratët e kishin më të lehtë aksisimin krahasuar me votimin për kryetarët e degëve. Ndërsa arsyeja tjetër është që momentalisht nuk janë zhvilluar votimet në dy degë: Në Malësi të madhe dhe Njësia nr.12 në Tiranë.
Pyetje: Në votimet për kryetarët e degëve ka pjesëmarrje më të ulët, krahasuar me referendumin për shkarkimin e Bashës, cila është arsyeja?
“Së pari, janë edhe dy degë për tu zhvilluar ende zgjedhjet Malësia e Madhe dhe dega nr.12 në Tiranë. Së dyti, për Kuvendin e 18 dhjetorit ka pasur më shumë qendra votimi dhe demokratët e kishin më të aksesueshme. Gjithashtu fakt është që për zgjedhjet e kryetarët e degëve ka pasur më pak qendra votimi ndaj demokratët e kishin më të vështirë për tu aksesuar. Por të jeni të bindur që ka pasur fluks më shumë se më 18 dhjetor”, u shpreh Albana Vokshi.
Kelvis Kruja: “Ky është një proces që ndodh për herë të parë dhe si i tillë nuk arrihet perfeksioni. Përsa I përket dy degëve për cështje teknike dhe organizative, njëra nga degët pati një process për problematike u anullua dhe do mblidhet, ndërsa dega 12 do bëhet javën tjetër. Komisioni do marrë vendimin sot. Të gjitha degët para kuvendit janë mbyllur”
