Në prag të stërvitjes shumëkombëshe “Defender Europe 25”, që pritet të zhvillohet në Shqipëri nën drejtimin e Komandës Evropiane të SHBA, Forca Detare shqiptare ka shënuar një tjetër sukses në misionet ndërkombëtare.
Anija patrulluese “Butrinti” P-134, e angazhuar në kuadër të operacionit të NATO-s në Detin Egje, ka realizuar me sukses një operacion kërkim-shpëtimi, duke shpëtuar 13 emigrantë, përfshirë dy fëmijë.
Ndërhyrja u bë në bashkëpunim me rojet bregdetare greke dhe turke, dhe operacioni u finalizua pa incidente.
Ky është operacioni i katërt SAR i realizuar nga Forca Detare shqiptare në Egje gjatë vitit 2025, me një total prej 111 personash të shpëtuar deri më tani.
