Efektivi i shpallur në kërkim nga Policia e Shtetit, Gani Dama, ka reaguar për mediat nga Italia.
Ai shprehet se ndodhet në shtetin fqinj për shkak të një problemi familjar.
Dama shton se ka marrë leje nga drejtoria e Policisë së Durrësit.
Ndër të tjera efektivi sqaron se nuk po ia mbath nga askush, por do të përballet me drejtësinë kur të kthehet.
“Jam në Itali me leje të firmosur nga Policia. Përmes Tv mora vesh se jam shpallur në kërkim. Nuk po ia mbath nga askush, aq më pak nga drejtësia. Jam larguar nga data 9 janar në Itali për arsye familjare. Kur të kthehem, do të përballem me drejtësinë”, është shprehur Dama.
Gani Dama u shpall në kërkim gjatë operacionit të koduar abuzuesit.
Operacioni u finalizua dy netë më parë në Durrës, ku u vunë në pranga 10 efektivë policie, 5 biznesmenë dhe dy inspektorë të IMT.
Këta persona në bashkëpunim me njëri-tjetrin, dyshohet se kanë mundësuar ndërtimin e objekteve të paligjshme.
