Një 48-vjeçar i dyshuar si pjesë e një grupi kriminal të përfshirë në prodhimin e lëndëve narkotike është arrestuar sot në Tiranë.
Sipas policisë, Orges (Dritan) Jahelezi ishte shpallur në kërkim, pasi ishte dënuar nga SPAK me 6 vite e 8 muaj burg për akuzat “Grup i strukturuar kriminal”, “Prodhimi dhe shitja e narkotikëve” dhe “Kryerja e veprave penale nga organizata kriminale”.
“Finalizohet operacioni policor i koduar “Tempus”. Kapet 48-vjeçari i shpallur në kërkim, i dënuar me 6 vite e 8 muaj nga SPAK, për veprat penale “Grup i strukturuar kriminal’,”Prodhimi dhe shitja e narkotikëve”, dhe “Kryerja e veprave penale nga organizata kriminale”.
Si rezultat i një pune të mirorganizuar bazuar në informacionet e siguruara nga inteligjenca për vendndodhjen e një shtetasi në kërkim policor, Sektori i Forcës së Posaçme për Operacionet Speciale dhe Kërkimin, organizoi dhe finalizoi operacionin policor të koduar “Tempus”, gjatë të cilit u lokalizua dhe u kap shtetasi:
Orges (Dritan) Jahelezi., 48 vjeç, banues në Tiranë.
Këtë shtetas, Gjykata e Posaçme e Shkallës së Parë për Korrupsionin dhe Krimin e Organizuar Tiranë e ka dënuar me 6 vite e 8 muaj burgim për veprat penale “Grup i strukturuar kriminal’, “Prodhim e shitje narkotikesh”,dhe “Kryerja e veprave penale nga organizata kriminale”, njofton policia.
