Autoritetet italiane kanë nisur punën për të gjetur vatrën e koronavirusit.
Ka shumë pista ku po hetohet, por më e forta është ajo e 8 kinezëve në një lokal në Milano.
Gjatë 9 shkurtit kur luhej ndeshja Inter-Milan, në lokal ndodhej edhe viktima e parë, 78-vjeçari Adriano Trevisan.
Kinezët ndërkohë, dy prej të cilëve sapo ishin kthyer nga Kina, janë futur në karantinë.
Qeveria italiane ka urdhëruar mbylljen e gjykatave, shkollave dhe vendeve të punës.
Kryeministri italian Giuseppe Conte ka premtuar se do të shpërblejë të gjithë ata që humbën punën, për shkak të koronavirusit.
Deri më tani në vendin tonë fqinj kanë humbur jetën dy persona, ndërsa numri i të infektuarve ka shkuar në 76.
