Ditën e djeshme u njoftua në media se mjeku i njohur Pëllumb Pipero ka shkuar në Itali për t’u kuruar pasi ditë më parë u infektua me COVID-19. Pipero u infektua me virusin vetëm një javë pasi kishte marrë dozën e parë të vaksinës Pfizer në stadiumin “Air Albania”.
Kolegu i tij, mjeku i njohur Petrit Vargu, ka bërë një postim ku i uron shërim të shpejtë Piperos, por nuk i ka kursyer as “thumbat” për ata që thonin se koronavirusi kalon vetëm me paracetamol. Ai shkruan se disa mjekë të orientuar siç duhej thonin me të madhe se kjo sëmundje kalon vetëm me disa vitamina, që mjekimi i saj të mos e rëndonte rimbursimin e sigurimeve shëndetësore. Ndër të tjera ai përmend edhe mesataren e fakultetit, duke thënë se ajo mund të fshihet, por nuk mund të fshihen protokollet e mjekimit.
Postimi i plotë i Vargut:
Profesor Pipero paska shkuar ne Itali per kurim? Si ka mundesi? Kjo semundje kalon vetem me disa vitamina, paracetamol dhe suplemente, kuisnin disa mjeke te orientuar sic duhej, qe mjekimi i kesaj semundjeje te mos rendonte rimbursimin e sigurimeve shendetesore.
Mos disinformoni popullin! Kjo eshte eshte nje semundje e panjohur dhe e pabese. Jo te gjithe i kane mundesite te kurohen jashte, kur gjendja rendohet. Mesataret e fakultetit mund te fshihen, por protokollet e mjekimit jo. Piperos i uroj sherim te shpejte!
