Piloti grek i cili akuzohet për vrasjen makabre të bashkëshortes së tij, 20-vjeçaren britanike Caroline në Glyka Nera, të cilën e mbyti në sy të foshnjës së tyre 11 muajshe.
Babis Anagnostopoulos, ka mbërritur mëngjesin e ditës së sotme në gjykatë, nën masa të rrepta sigurie. I veshur me anti-plumb, ai hyrë në gjykatë, ku pritet të kërkojë falje për krimin e rëndë që tronditi Greqinë. Sipas raportimit të mediave greke se seanca pritet të nisë rreth orës 12:00 dhe do të jetë maratonë. Në dyert e gjykatës, Babis është pritur nga një grup njerëzish të mbledhur aty pranë në kor bërtisnin: “Vriteni, të kalbet ne burg!”
Media greke “Protothema” raporton se i akuzuari do të përpiqet t’ia atribuojë krimin e tij intensitetit, akuzave dhe kundërsulmeve verbale që ai tha se kishte patur në natën fatale me Caroline, si rezultat i së cilës ai “u mjegullua” dhe humbi kontrollin.
Kujtojmë se pak më parë doli edhe ekspertiza e mjekësisë ligjore e cila tregoi se dëshmia e pilotit nuk përputhej me atë që tregonte ekspertiza. Sipas kësaj të fundit, rezulton që e reja ka qenë në gjumë kur është mbytur nga i shoqi. Këtë e dëshmon ora inteligjente që ajo mbante në duar, e që tregonte se disa orë para vdekjes, pulsi i saj ishte i njëjtë me atë të një personi që fle. Kujtojmë se në dëshminë e tij, bashkëshorti i saj ka thënë se e ka vrarë Carolinën në debat e sipër dhe e ka përqafuar për minuta të tëra, derisa ajo nuk lëvizte më.
