Kryetari i partisë Demokratike Lulzim Basha këtë të dielë në kuadër të fushatës elektorale të 25 prillit ka zhvilluar një piknik me studentë në qarkun e Elbasanit. Kryedemokrati është pritur me entuziazëm nga qytetarët e Elbasanit. Basha në këtë takim është shprehur se me 25 prill do të fitojë rinia dhe shqiptarët.
“Po bëhem shumë xheloz për Gaz Bardhin, do e nis këtë për Tiranë dhe do të rri vetë këtu. Jeni studentë dhe të papunë që keni mbaruar studimet dhe nuk keni punë. Me 25 do të fitojë rinia dhe Shqipëria. 25 është dita e shqiptarëve dhe e rinisë për të gjithë”, ka thënë Basha.
“Kemi ardhur për piknik dhe jo për politikë dhe besoj se më presin gjëra të veçanta siç është skuqja e salçiçes në zgarë, atë natë skam qenë duke skuq salçiçe por mëlçi pule. Unë nuk po zgjatem por me votën tuaj dhe me garancinë tuaj unë ju jap fjalën se do të ndryshojmë. Ju do të punësoheni në një ekonomi që nuk do i takojë një apo dy oligarkëve por të gjithë shqiptarëve.
Ky është zotimi im dhe i ekipi tim para jush, por deri më 25 prill kam nevojë për ju dhe për ndihmën tuaj. Ndryshimi po vjen dhe askush nuk e meriton dhe askush nuk do e shijojë më shumë ndryshimin që po vjen sesa ju. Faleminderit për pritjen. A i hoqëm vizat për të gjithë shqiptarët? A e futëm në NATO? Bashkë do ta fusim dhe në BE”, përfundoi Basha.
https://www.facebook.com/lulzimbasha.al/videos/942694983151453
