Tre mjekë në Fier, të pezulluar nga detyra për neglizhencë në trajtimin e një pacienti dy vite më parë, janë njohur sot me masat e sigurisë.
Komisariati i Policisë Fier ka ekzekutuar masat e caktuara nga Gjykata e Shkallës së Parë për tre mjekët. Mjekët Blendi Dhespollari, 56 vjeç, dhe Ilva Çuni, 29 vjeçe, janë pezulluar nga ushtrimi i detyrës, ndërsa Klajdi Jasini, 40 vjeç, është njoftuar për detyrimin për t’u paraqitur në Policinë Gjyqësore.
Dyshohet se ata kanë neglizhuar trajtimin e shtetasit A. Sh., 54 vjeç, i cili humbi jetën më 3 shkurt 2022. Materialet janë dërguar në Prokurorinë e Fierit për hetime të mëtejshme.
