Do të përurohet sot baza ajrore në Kuçovë, e cila është restauruar për të qenë në në dispozicion të Aleancës së Atlantikut Verior.
Ashtu siç është theksuar edhe më parë, kjo bazë do të shërbejë si qendër për aktivitetet e Forcës sonë Ajrore dhe të NATO-s, duke ofruar infrastrukturë të avancuar për avionët luftarakë dhe ata të transportit të Aleancës.
Punimet për rikonstruksionin e saj nisën në janar të vitit 2022 dhe përfunduan në fillim të këtij muaji.
Sa i përket investimeve finaciare, nga NATO janë dhënë afërsisht 50 milionë euro dhe më shumë se 5 milionë euro janë investuar nga qeveria shqiptare.
Autoritetet shqiptare kanë marrë përsipër ndërtimin e perimetrit të sigurisë dhe rrugëve lidhëse, ndriçimit, vendosjen e kamerave të sigurisë së bazës si dhe të sensorëve të zbulimit të ndërhyrjeve përgjatë rrethimit të bazës.
