Përleshjet e rënda mes Indisë dhe Pakistanit kanë shkaktuar 29 viktima civile, 26 në territorin pakistanez dhe 3 në atë indian si dhe mbi 40 të plagosur.
Pesë avionë luftarakë indianë janë rrëzuar, ndërsa situata po përshkallëzohet në një nivel alarmant.
Përplasja nisi pas nisjes së “Operacionit Sindoor” nga forcat ajrore indiane, të cilat goditën nëntë baza të dyshuara militante në Pakistan dhe në rajonin e kontestuar të Kashmirit.
India e justifikoi ndërhyrjen si hakmarrje ndaj një sulmi të ndodhur në muajin prill, ku militantë të armatosur vranë 26 pelegrinë hindu në territorin e saj, mes tyre edhe një shtetas nepalez.
Pakistani reagoi duke rrëzuar disa avionë indianë dhe duke e cilësuar ofensivën si një provokim të rrezikshëm, që mund të çojë në një konflikt të ri të armatosur mes dy fuqive bërthamore, duke rikthyer frikën për një luftë të re mes tyre e shtata në historinë e marrëdhënieve të tensionuara indiano-pakistaneze.
