Është çdo gjë gati. Lionel Messi tashmë është një lojtar i Paris Saint-German. Argjentinasi ka mbërritur tashmë në Paris së bashku me familjen e tij dhe pritet vetëm nënshkrimi i firmës.
Për t’i dhënë fund dyshimeve ka mendur edhe ish-shoku i ekipit të Messi-t te Barcelona, Neymar. Braziliani ka postuar në Instagramin e tij një story ku shfaqet ai dhe Messi së bashku dhe ku shkruan “Përsëri bashkë”.
Vetë klubi parizien i ka lënë gjërat më enigmatike me një video të postuar në rrjetet sociale, ku shkruan “ Një diamant në Paris” dhe ku shfaqen gjashtë Topa të Artë, duke nënkuptuar që Lionel Messi është tashmë një lojtar i tyre, por pa e zbuluar emrin.
— Paris Saint-Germain (@PSG_inside) August 10, 2021
Lajmin për kalimin e Messit te PSG e konfirmoi edhe i ati i futbollisit më herët ditën e sotme, teksa u shpreh se për arsyet e largimit të tij nga Barcelona duhet pyetur klubi.
Më vonë, bashkëshortja e 34-vjeçarit, Antonella Rocuzzo ndau një foto së bashku me të, teksa ishin duke udhëtuar për në Paris.
Prej ditësh fansat e Paris Saint-German e kanë pritur Messin në aeroportin “Le Borguet”, dhe sot ylli argjentinas më në fund mbërriti.
Me një treshe si Neymar, Mbappe dhe Messi, PSG pritet të jetë një ekip i frikshëm për të gjithë kundërshtarët dhe një pretendente në Champions League.
