Vdekjet nga COVID-19 në vendin tonë vazhdojnë të mbeten të larta dhe për këtë nuk është marrë asnjë masë. Komiteti Teknik u mbodh pak ditë më parë për të lënë në fuqi masat aktuale kufizuese, ndërkohë që numri i vdekjeve çdo ditë ka qenë i lartë. Nga ana tjetër Ministria e Shëndetësisë ka përdorur taktikën e uljes së testimeve, rrjedhimisht edhe uljen e rasteve për të mos vendosur kufizime të reja në prag të fushatës elektorale. Ndër të tjera Komittei Teknik i Ekspertëse shkeli afatet e vendosura nga Gjykata Kushtetuese për të rishqyrtuar lejmin e tubimeve elektorale. Vendimi do të merret në 26 mars, pikërisht në nisjen e fushatës. Këto vendime kanë pasur pasoja fatale dhe një konstatin të tillë e bën edhe mjeku Erion Dasho. Në një postim në Facebook ai shkruan se Shqipëria ka 4 herë më shumë vdekje ekstra për 10 mijë banorë se Gjermania, që ka një popullsi më të madhe. Kjo sipas Dashos vjen prej faktit se Gjermania ka marrë masat e duhura, ndërsa në Shqipëri janë ende hapur baret e restorantet dhe festohet Dita e Verës.
Postimi i Dashos:
PËRSE VDESIN SHQIPTARËT NGA COVID-I?
Gjermania sot ka 140 mijë raste aktive me COVID, ose 167 raste për 100 mijë banorë. Shqipëria me popullsi 30 herë më të vogël se Gjermania, ka 35 mijë raste ose 1,250 raste për 100 mijë banorë.
Me një numër rastesh aktive 7.5 herë më të lartë se Gjermania, Shqipëria feston Ditën e Verës, i ka klubet, restorantet dhe diskotekat plot, kurse Gjermania ka disa muaj që lejon vetëm shëtitjet me familjen dhe restorantet i ka mbyllur që në dhjetor (ama nuk vendos kufizime të pakuptimta si ndalimqarkullimi pas orës 20).
Gjermania kërkon që në çdo mjedis të mbyllur dhe mjete transporti të mbahet një maskë mjeksore, por ama nuk kërkon idiotësira si mbajtja e maskës prej lecke në publik, apo më keq akoma mbajtja e maskës në mjekër sa për të mos marrë gjobë nga polici.
Si rezultat, Gjermania e ka patur vdekshmërinë shtesë deri në 14 shkurt vetëm 77 vdekje ekstra për 100,000 banorë, ndërkohë që Shqipëria deri në fund të shkurtit e ka patur 289 vdekje ekstra për 100,000 banorë, ose rreth 4 herë më të lartë se Gjermania.
Koha për përgjegjshmëri!
