Stazhet e ofruara nga Ministria e Arsimit padyshim janë një mundësi shumë e mirë, mirëpo problemi qëndron vetëm tek fakti se janë të papaguara.
Nga studio e “Dritare me Rudinën”Ministrja e Arsimit ka folur rreth kësaj çështjeje duke sqaruar edhe arsye përse nuk është duke u paguar stazhi i mësuesisë. Stazhi është një nga fazat më të rëndësishme që një student për mësuesi duhet të kalojë dhe është një periudhë relativisht e gjatë, të cilët studentët përkushtohen ndaj profesionit, por pa pasur mundësinë e pagesës.
Mirëpo ministrja ka thënë se stazhi nuk ka një pagesë për shkak se mungon buxheti, pra nuk është i mjaftueshëm dhe se do zbatohet si praktikë në momentin që do të parashikohet një buxhet më i lartë, i cili mund të përballojë këtë shpenzim.
“E kuptoj shqetësimin në fjalë. Stazhi i mësuesisë nuk paguhet aktualisht nga Ministria e Arsimit. Në fakt, mospagesa nuk ndodh, për shkak se buxheti i shtetit shqiptar kaq mundësi ka. Ndoshta mund të jetë një moment i dytë kur buxheti shqiptar të jetë më mirë dhe të rregullohet, duke paguar ministria”, tha Shahini.
