Kryeministri i Shqipërisë, Edi Rama pak minuta më parë i është përgjigjur, Presidentit Ilir Meta lidhur me situatën e krijuar në aeroportin e “Rinasit”.
Sipas kryeministrit, presidenti bën predikime ndërkohë që është një nga dy nxitësit e kësaj goditje të çmendur bashkë me ish-kryeministrin Sali Berisha.
Rama shprehet se Meta është në kërkim të herë pas hershme të rrëzimit të qeverisë dhe shtetit, por duhet ti harrojë të dyja këto.
“Ilir, dokrrat me injorimin e kërkesave të pseudo sindikatës së kontrollorëve dhe predikimet për mos ndërprerjen e punës në aeroport nuk pinë ujë! Je një nga dy nxitësit e kësaj goditjeje të çmendur, në kërkimin e palodhur të rrëzimit të qeverisë e të vetë shtetit! T’i harrosh të dyja!”, ka shkruar kryeministri i vendit Edi Rama.
I menjëhershëm ka qenë reagimi i Presidentit të vendit Ilir Meta, i cili i është kundërpërgjigjur kryeministrit me anë të një postimi në rrjetet sociale.
Meta paralajmëron se do të përgjigjet nga Vlora për çështjen e aeroportit të Rinasit.
“Qeverisë së 1 Prillit do t’ia jap sot pasdite nga Vlora përgjigjen për çështjen e Aeroportit të Rinasit, si çështje shumë e rëndësishme e sigurisë kombëtare dhe e detyrimeve ndërkombëtare.
Nëse është hapur Aeroporti i Vlorës, konferencën e shtypit do e bëjmë atje, por nëse jo, në një ambient tjetër të përshtatshëm për të cilin gazetarët do të njoftohen në kohë.
Ftohet dhe “Tërmeti” të marrë pjesë për shkak të përvojës së tij me aeroportet, fluturimet dhe jo vetëm.”, ka shkruar Ilir Meta.
https://www.facebook.com/ilirmetazyrtar/posts/3914346618611582
