Tensionet në zonën e Bregut të Lumit, ku janë duke u prishur edhe shtëpitë e fundit të banorëve vazhdojnë të thellohen. Këtë herë të përfshirë kanë qenë jo vetëm qytetarët, por edhe ish-deputetët Klecis Balliu dhe Endrit Braimllari.
Gjitha konflikti, i cili ka përfunduar në përplasje fizike ka nisur për shkak të një banori, i cili ka kërkuar të futet brenda shtëpisë përtë marrë veshjet, duket qenë se nuk kishte mundur më herët, pasi ishte i shoqëruar në komisariat.
‘’Më lini që të marr rrobat, se kam qenë gjithë mëngjesin në komisariat, më lini që të marr rrobat”, është dëgjuar të thotë ai. Kaq ka mjaftuar që shumë banorë dhe ish-deputetët të provonin të çanin kordonin e policisë për ta lënë të riun të futej në shtëpi.
Në një moment ashtu siç edhe shihet nga pamjet, njëri nga policët e ka kapur për fyti Balliun në momentin që ishte duke tenduar për të prishur murin policor.
Ndërkohë pas konfrontimit, ish-deputeti ka thënë se banditët me uniformë po dhunojnë barbarisht qytetarët.
