Grupe të mobilizuara serbësh kanë bllokuar pikën kufitare në Jarinjë, në shenjë revole ndaj vendimit të Qeverisë së Republikës së Kosovës për të vendosur reciprocitet në target e automjeteve. Sipas këtij vendimi, është e detyrueshme që të gjitha automjetet që mbajnë targa të Serbisë dhe hyjnë në Kosovë të pajisen me targa të përkohshme. Po ashtu bëhet e ditur se pajisja me këto targa bëhet në të gjitha pikat kufitare të Kosovës.
Targat duhet të vendosen në vende të dukshme dhe për pajisjen me këto targa duhet paguar taksa prej 5 eurove. Mes të tjerash bëhet e ditur se pajisja me targa të përkohshme për të gjitha automjetet që mbajnë targa të Serbisë dhe hyjnë në Territorin e Republikës së Kosovës. Pajisja me targa të përkohshme bëhet në të gjitha pikat e kalimit kufitar të Republikës së Kosovës.
Ata po qëndrojnë në mes të rrugës, edhe pse janë paralajmëruar nga Njësia Speciale që ta lirojnë atë dhe të rinisë qarkullimi i automjeteve në të dy drejtimet.
Policia po zhvillon kontolle të detajuara ndaj automjeteve, ku tashmë shumë kamionë janë ndaluar në këtë zonë kufitare. Njësitë e Specializuara të Policisë së Kosovës janë pozicionuar në zonën kufitare Kosovë – Serbi në Jarinje, ndërkohë që mediet fqinje raportojnë se aktualisht kjo pikë kufitare është mbyllur.
Ky vendim pritet të shoqërohet me tensione në pikën kufitare mes Kosovës dhe Malit të Zi.
