Pasditen e sotme avokati, Adriatik Lapaj ka folur për mediat pas dhunës që forcat e policisë ushtruan ndaj protestuesve që u mblodhën për të vijuar protestën e nisur në orën 11:00 të ditës së sotme.
Lapaj tha se mënyra sesi policia ishte përplasur me qytetarët nuk ishte mënyra e duhur për të bërë të mundur funksionimin e një shtetit ligjor. Nga ana tjetër avokati tha se kjo praktikë zbatohej në momentin që forcat e policisë shihnin se ishin më shumë në numër sesa protestuesit.
Avokati, Adriatik Lapaj: Me stilin të mirë në mëngjes dhe ujqër në darkë, nuk funksionon. Nuk ndryshon gjë a qëndrojmë ne deri në mëngjes apo një orë. Kjo është simbolikë dhe ata që nuk kuptojnë simbolikën janë të ligj. Halli është aty, halli është për kuzhinën e shqiptarëve. Kështu që t’i thërrasin mendjes dhe bëjnë mirë të na dëgjojnë. Ne nuk jemi këtu për konflikt. Nuk zgjidhet me konflikt kjo. Policia është njoftuar pardje për protestën e sotme. Mënyrën e të protestuarit nuk e përcaktojnë dot këta. Pse kur janë 20 mijë qytetarë nuk hyjnë me dhunë këta? Prisnin që të ishim huliganë ne dhe kur nuk jemi shumë në numër duan të na trajtojnë si kategori e dytë. Këtu nuk po garojmë se kush nxjerr më shumë njerëz në shesh.
Kën dalë mbi 100 mijë qytetarë në këto ditë në protesta dhe nuk është prekur asnjë lule. Kjo ndërhyrje e policisë na lë shije shumë të keqe sepse tregon sepse kur numrat janë në krahun e tyre bëhen të dhunshme. Këtë duhet të kuptojnë qytetarët, se nuk i ulin çmimet se duan por i ulin sepse ne rrisim presonin. Në momentin që ulet presioni këta fillojnë me dhunën.
