Situata politike në vend jo pak herë ka sjellë edhe debate të forta, dhe këtë herë të përfshirë janë analisti Mustafa Nano dhe ish-deputeti i Partisë Demokratike, Dashamir Shehi.
Nga studio e “Opinion” duke dhënë mendimet e tyre sa i përket çështjes e mbi të gjitha duke folur edhe për deklaratën e dorëheqjes së Presidentit Meta, Nano nuk është përmbajtur duke shkaktuar kështu edhe një përplasje mes të dyve.
Gjatë kohës që Shehi ishte duke folur, Nano nuk i ka pranuar disa nga argumentet duke i thënë me ironi “… ke pirë ndonjë gotë?”, gjë që ka sjellë edhe reagimin e ish-deputetit duke e quajtur”bandë të legenëve të Ramës”.
Pjesë nga debati:
Mustafa Nano: Ti je në politikë, unë nuk jam. Këto janë opinione që unë i shpreh.
Dashamir Shehi: Për çfarë ke ardhur ti këtu o burrë për kateklizëm, do bëjmë diskutim akademik apo do bëjmë politikë?!
Mustafa Nano: Hë mo Dash ke pirë ndonjë gotë tani, muhabet koti.
Dashamir Shehi: A fillove me këto muhabete ti tani, ti je tamam banda e legenëve të Edi Ramës!
Nano: Ca të thashë o burrë që pi raki nga mëngjesi deri në darkë.
Shehi: Ik o Zhuls.
