Efektivja e repartit Shqiponja, që u pezullua nga detyra për shkak të përlasjeve të banorëve, policisë dhe përmbarimit tek ndërtesa te “Petro Nini”, ku ajo edhe jeton, sot është kthyer në detyrë.
Dje, drejtuesit e policisë së Tiranës, i komunikuan gojarisht urdhrin e pezullimit me motivacionin se ka penguar punonjësit e policisë në ushtrimin e detyrës, ndërsa sot i komunikuan rikthimin në detyrë.
Blerta banon bashkë me 14 persona të tjerë në ndërtesën tek ‘Petro Nini’, ku dy ditë më parë Përmbarimi shkoi për t’i nxjerrë jashtë, pasi tokës ku është ndërtuar banesa i ka dalë pronari.
Blerta Dervishi dhe banorët e tjerë nuk pranuan të dalin nga banesa duke shkaktuar përplasje të forta me përmbaruesit.
