Një incident ka ndodhur gjatë garës së çiklizmit në Shqipëri, ku disa çiklistë u përplasën gjatë një etape të Turit të 81-të të Shqipërisë, që po zhvillohej në aksin Kuç-Qeparo. Sipas raporteve, tre prej tyre kanë pësuar lëndime dhe janë dërguar në spital për trajtim. Kjo përplasje ndodhi teksa çiklistët ishin duke garuar në etapën e katërt të garës, që përfshin rrugën nga Vlora për në Himarë deri në Llogara. Gara kishte nisur më 20 Maj nga sheshi ‘Skëndërbej’ në Tiranë. Policia ka njoftuar se çiklistët kanë humbur kontrollin mbi biçikletat, duke dalë nga rruga, dhe tani po hetohet për të zbardhur plotësisht rrethanat e aksidentit.
Njoftimi i Policisë:
Rreth orës 14:40, në aksin rrugor Kuç-Qeparo, gjatë itinerarit të garës të etapës së katërt të Turit të 81-të Çiklistik të Shqipërisë, 3 prej çiklistëve dyshohen se kanë humbur kontrollin mbi drejtimin e biçikletave dhe si pasojë kanë dalë nga rruga. Të tre çiklistët janë transportuar në spital për ndihmë mjekësore.
Grupi hetimor po punon për zbardhjen e plotë të rrethanave të aksidentit.
