Aksidentet në Shqipëri janë shtuar ndjeshëm ditët e fundit. Dy persona janë vënë në prangat e Policisë së Lezhës, pasi akuzohen se kanë përplasur me makinë dy qytetarë të tjerë.
Mësohet se është vënë në pranga i riu me inicialet G.B., banues në Shenkollë, Lezhë, pasi në rrugën e plazhit Tale, duke drejtuar mjetin tip “Renault”, ka aksidentuar shtetasin Dh.Zh., 27 vjeç, banues në Tiranë, i cili ndodhet në spitalin e Traumës Tiranë.
Njoftimi i policisë Kurbin, Lezhë
Vijon puna për parandalimin dhe goditjen e paligjshmërisë. Vihen në pranga 2 drejtues mjetesh. Gjithashtu, procedohet penalisht 1 shtetas, për zënie të hapësirës publike (plazh), me çadra dhe shezlongë. Specialistët e Qarkullimit Rrugor bënë arrestimin në flagrancë të shtetasit G. B., 21 vjeç, banues në Shenkollë, Lezhë.
Ky shtetas, në rrugën e plazhit Tale, duke drejtuar mjetin tip “Renault”, ka aksidentuar shtetasin Dh.Zh.,27 vjeç, banues në Tiranë, i cili ndodhet në spitalin e Traumës Tiranë, nën kujdesin e mjekëve. Po nga specialistët e Qarkullimit Rrugor u bë ndalimi i shtetasit M.N., 61 vjeç, banues në Kurbin.
Ky shtetas, në aksin rrugor Milot-Thumanë, ka aksidentuar shtetasin S.U., 58 vjeç, banues në Fushë Kuqe, Kurbin (i cili udhëtonte me motoçikletë) dhe më pas është larguar nga vendngjarja”, shkruhej në njoftimin e Policisë.
