Një 26-vjeçar është shoqëruar nga policia , pas përndjekjeve të vazhdueshme ndaj koleges.
“Balkanweb” shkruan se i riu quhet Sadik Sejdinaj dhe punon si gazetar.
Ky i fundit ka kanosur me mesazhe kolegen e tij me iniciale A.T.
Në këto kushte, vajza ka denoncuar Sejdinajn në polici.
Mësohet se i riu u dorëzua në Komisariatin Nr.4 në Tiranë, për veprime të mëtejshme.
Njoftimi i policisë
“Kapet dhe ndalohet një shtetas i shpallur në kërkim për “Përdorimi me keqdashje i thirrjeve telefonike”.
Specialistët për Hetimin e Krimeve në Komisariatin e Policisë Mallakastër kapën shtetasin e shpallur në kërkim:
S.S, 26 vjeç, banues në Mallakastër.
Ky shtetas është shpallur në kërkim për veprën penale” Përdorimi me keqdashje i thirrjeve telefonike” pasi me anë të telefonit ka kanosur shtetasen A.T.
Shtetasi S.S iu dorëzua shërbimeve të Komisariatit të Policisë Nr. 4 Tiranë për veprime të mëtejshme proceduriale”.
