Ministria e Arsimit dhe Sportit njoftoi se mësimi ka filluar në shumicën e shkollave në vend, pasi kushteve të motit kanë pësuar përmirësime. Megjithatë, procesi mësimor vazhdon të mbetet i pezulluar në 17 shkolla për shkak të kushteve atmosferike të vështira.
Situata është duke u përmirësuar në përgjithësi, por mbeten ende probleme në disa zona, si Dibra, Klosi, Mirdita dhe Pogradeci, ku reshjet e dëborës dhe temperaturat e ulëta vazhdojnë të pengojnë zhvillimin e mësimit. Shkollat ku është pezulluar mësimi janë:
1. Shkolla 9-vjeçare Selishte, Dibër
2. Shkolla 9-vjeçare “Fiqiri Cani”, Lishan i Poshtëm, Dibër
3. Shkolla e Mesme e Bashkuar “Ajet Ndreu”, Sllove, Dibër
4. Shkolla 9-vjeçare “Shemsi Haka”, Dibër
5. Shkolla e Mesme e Bashkuar “Miftar Krrashi”, Arras, Dibër
6. Shkolla e Mesme e Bashkuar “Nikoll Kaçorri”, Lurë, Dibër
7. Shkolla “Jani Fullani”, Bulqizë
8. Shkolla e Mesme e Bashkuar Xibër-Klos
9. Shkolla e Mesme e Bashkuar “Ndrec Ndue Gjoka”, Fan, Mirditë
10. Shkolla 9-vjeçare “Zenel Bastari”, Tiranë
11. Shkolla 9-vjeçare “Vilëz”, Tiranë
12. Shkolla e Mesme e Bashkuar “Ibrahim Bozhiqi”, Qafe, Elbasan
13. Shkolla 9-vjeçare Gur i zi, Elbasan
14. Shkolla 9-vjeçare “Ramë Karagjozi”, Qerret, Elbasan
15. Shkolla 9-vjeçare Sericë, Elbasan
16. Shkolla 9-vjeçare “Isuf Deliu”, Mollagjesh, Elbasan
17. Shkolla e Bashkuar “Ibrahim Ceka”, Funar, Elbasan
Reshjet e dendura të dëborës dhe temperaturat e ulëta të fundjavës dhe fillimit të javës kanë shkaktuar vështirësi në zhvillimin e procesit mësimor, sidomos në zonat veriore, qendrore dhe juglindore të vendit.
Ministria e Arsimit, në bashkëpunim me autoritetet e emergjencave civile dhe zyra arsimore vendore, vendosi pezullimin përkohësisht të mësimit në shkollat që janë prekur nga këto kushte ekstreme moti.
