Turqie po përballet me përmbytje katastrofike, ku deri më tani raportohet për 44 viktima, ndërsa ka ende persona të zhdukur. Rrëshqitjet e tokës dhe vërshimet e ujit kanë lënë gjurmë sidomos në provincën e Kastamonu dhe Sinop.
Sipas informacioneve zyrtare autoritetet turke kanë dërguar më shumë se gjashtë mijë punonjës në terren, për të ndihmuar banorët pasi dhjetëra ndërtesa e ura janë shkatërruar plotësisht.Një problematik tjetër është edhe evakuimi i banorëve i cili bëhet më i vështirë pasi rrugët janë të përmbytura. Kujtojmë se presidenti
Erdogan i ka shpallur rajonet e prekura nga përmbytjet, zona fatkeqësie dhe ka deklaruar se Turqia do të rimëkëmbet shumë shpejt edhe pse është goditur nga dy katastrofa brenda një muaji.
Rreth 3 mijë persona janë evakuuar dhe disa janë shpëtuar përmes helikopterëve. Sipas ekspertëve vendas, ndërhyrjet në shtretërit e lumenjve dhe ndërtimet pa leje, kanë hapur rrugën që Turqia të pësojë dëme masive nga vërshimet e ujërave kur bien shira të rrëmbyeshëm. Ndërsa nga ana tjetërshkencëtarët ngrenë alarmin për veprimtarinë e pakontrolluar njerëzore që po shkakton ndryshime ekstreme të klimës. Pjesa veriore e Turqisë është më e rrezikuara nga përmbytjet gjatë verës si pasojë e reshjeve të mëdha. Vitin e kaluar, të paktën pesë persona humbën jetën për shkak të përmbytjeve.
