Drejtor i Shoqatës të Bashkive të Shqipërisë, Agron Haxhimali kërkon shpalljen e gjendjes së jashtëzakonshme për Shkodrën.
Në një koment mbi dëmet e shkaktuara nga përmbytjet në Bashkinë e Shkodrës dhe parashikimet ligjore për shpalljen e gjendjes të jashtëzakonshme, Haxhimali shprehet se “Në Shkodër në rastet e përmbytjeve aktuale mund të shpallet gjendja e emergjencës civile pasi kemi kriteret ligjore qe plotësohen dhe që janë:
- niveli i ujërave arrin pika kritike, në disa zona të matshme;
- një ose më shumë lumenj, që përshkojnë vendin, kanë dalë jashtë̈ shtratit, në përmasa të rrezikshme;
- prita rezervuarësh dhe diga liqenesh janë dëmtuar rëndë̈;
ç. jeta e popullsisë̈ civile, e gjësë̈ së gjallë dhe prona janë̈ rrezikuar seriozisht.
Çfarë konsiderohet fatkeqësi natyrore?
“Fatkeqësi natyrore” janё fatkeqësitë̈ që shkaktohen nga dukuri natyrore ekstreme, që lidhen me tërmetet, përmbytjet dhe vërshimet e ujit, temperaturat ekstreme dhe të tejzgjatura, rrëshqitjet arkitektonike, ortekët, erërat e forta në tokë dhe në det, zjarret masive në pyje, sëmundjet infektive masive dhe dukuri të tjera që ndikojnë̈ në jetën e njerëzve, gjënë̈ e gjallë, pronën, trashëgiminë̈ kulturore dhe mjedisin.
Procedurat e shpalljes së gjendjes së fatkeqësisë natyrore
Për t’u ardhur në ndihmë të interesuarve për rastin në fjalë i referohemi kuadrit ligjor, i cili në nenin 39 të ligjit 45/2019 përcakton se për gjendjen e fatkeqësisë̈ natyrore është Këshilli i Ministrave që mund të vendosë, për një periudhë jo më të gjatë se 30 ditë, gjendjen e fatkeqësisë natyrore në një pjesë ose në të gjithë territorin e vendit. Në këtë rast, Shkodra përbën ‘pjesën’ ku mund të shpallet gjendja fatkeqësisë natyrore, bazuar në kriteret që do ti analizojmë më poshtë.
Cilës kategori të emergjencave civile i përket rasti i Shkodrës? Gjithmonë sipas ligjit për emergjencat civile, rasti i bashkisë Shkodër i referohet emergjencave civile vendore, që vijnë si pasojë e fatkeqësive që ndodhin në një bashki dhe mund të përballohen me anë të veprimeve të strukturave kompetente të saj. Por situata sipas burimeve nga bashkia dëshmon se përballimi nuk është më i mundur vetëm nga vetë bashkia dhe burimet e saj. Ndaj dhe kërkohet ndërhyrje për të vepruar sa më shpejt, sic parashikohet kur gjendja e fatkeqësisë natyrore është shpallur.
Rasti i përmbytjeve në Shkodër është konkret, baza ligjore për ndërhyrje nga qeveria për të shpallur gjendjen e fatkeqësisë natyrore lokale është e mbështetur në ligj.
Uroj të mos mungojë vullneti. Mbështetja duhet për qytetarët dhe ata e përfitojnë. Institucionet qeveri dhe bashki duhet vetëm të bashkëpunojnë sa më ngushtë ne interesat e qytetarëve”, shkruan Haxhimali. /Gazetareforma.com/
