Papa Françesku ka përjetuar një tjetër krizë frymëmarrjeje, e cila shkaktoi të vjella dhe një “përkeqësim të papritur” të gjendjes së tij.
Për të lehtësuar frymëmarrjen, ai iu nënshtrua një trajtimi me ajrosje mekanike jo-invazive, që ka dhënë një “përgjigje pozitive”, sipas njoftimit të Vatikanit.
Një zyrtar i Vatikanit theksoi se kriza e frymëmarrjes të premten ishte e shkurtër dhe se mjekët do të kishin nevojë për 24-48 orë për të vlerësuar ndikimin e këtij episodi në gjendjen klinike të Papës.
Kjo ndodhi pas tre ditëve me përmirësime “të lehta” të shëndetit të tij, që sugjeronin se situata nuk ishte më kritike.
Një skanim CT i gjoksit të Papës, i realizuar të mërkurën, tregoi një “evolucion normal” të inflamacionit në mushkëri, ndërkohë që “insuficienca e lehtë e veshkave”, e diagnostikuar të dielën, ka kaluar.
