Ministria e Mbrojtjes ka njoftuar për reshje intensive që priten gjatë ditëve në vijim, veçanërisht në veri të Shqipërisë.
Sipas informacionit të dërguar nga autoritetet ndërkombëtare dhe Shërbimi Meteorologjik Ushtarak, më 22 nëntor qarqet Shkodër, Kukës, Dibër, Tiranë dhe Elbasan do të përballen me reshje të larta, ndërsa në qarqet e tjera priten reshje mesatare, por me mundësi për intensifikim.
Për shkak të kushteve të pafavorshme të motit, Agjencia Kombëtare e Mbrojtjes Civile (AKMC) ka kërkuar rritjen e gatishmërisë dhe mobilizimin e strukturave për menaxhimin e emergjencave.
Prefekturat dhe bashkitë janë thirrur të monitorojnë situatën dhe të sigurojnë furnizimin me energji dhe ujë, si dhe mbikëqyrjen e nivelit të lumenjve.
