India është një ndër vendet më të prekura nga Covid-19, me shifra alarmante dhe po kërkon ndihmë nga vendet e tjera për kurimin e pacientëve. Spitalet në Indi kanë nisur thirrje të menjëhershme për oksigjen ndërsa kriza Covid është përhapur jashtëzakonisht shumë, ndërsa Japonia lajmëroi një gjendje të jashtëzakonshme në disa zona vetëm tre muaj para se të hapeshin Lojërat Olimpike.
Të premten u bë miratimi i rinisjes së vaksinës Johnson & Johnson, e cila ishte e ndaluar për shkak se kishte patur shqetësime rreth mpiksjes së gjakut. Bashkimi Evropian tha se do të kishte mjaftueshëm doza që deri në fund të korrikut të jenë vaksinuar rreth 70% e të rriturve dhe ky është një lajm i mirë për Indinë, gjithashtu sipas The Guardian.
Njoftimi nga Brukseli erdhi ndërsa rregullatori i ilaçeve të Evropës tha se përfitimet e vaksinës AstraZeneca të rrënuar nga polemikat u rritën me kalimin e moshës – dhe përsëriti se ajo duhet të përdoret pavarësisht lidhjeve me mpiksjet e rralla të gjakut.
Në Indi indtitucionet e kujdesit shëndetësor dhanë alarmin në furnizimet e oksigjenit për pacientët që janë të infektuar më Covid.
Mbi 700 pacientë të pranuar në spitale, kanë nevojë për ndihmë të menjëhershme. India raportoi më shumë se 330,000 infeksione të reja, një rekord botëror, dhe 2,000 vdekje në një ditë të vetme.
