Një video e publikuar nga Daily Mail po bën xhiron e rrjetit.
Në video shihet një infermiere nga Wuhani e cila mban një maskë në fytyrë dhe ka veshur një kostum mbrojtës.
Por, ajo që ka tërhequr vëmendje është deklarata e saj.
Infermierja ka thënë se 90,000 njerëz tashmë janë infektuar nga koronavirus në Kinë dhe ka akuzuar qeverinë se po gënjen lidhur me raportet mbi viktimat.
“Unë jam në zonën ku filloi koronavirusi. Kam dalë për t’ju thënë të vërtetën. Në këtë moment, në provincën Hubei, përfshirë zonën Wuhan, madhe edhe në Kinë, 90 mijë persona janë infektuar nga koronavirusi.”
Më tej, ajo ka paralajmëruar qytetarët që të mos dalin nga shtëpitë e tyre për Vitin e Ri Kinez:
“Unë do t’i thoja gjithsecilit që po e sheh këtë video që nuk duhet të dalë jashtë. Të mos festojë. Të mos hajë jashtë shtëpisë. Njëherë në vit, ne festojmë Vitin e Ri Kinez. Në qoftë se do të mbroheni tani, do të mund ta takoni familjen tuaj shëndoshë e mirë vitin e ardhshëm. Neve nuk na intereson se çfarë thotë qeveria. Unë do t’ju flas juve nëpërmjet mediave sociale. Gjithsecilit, ju lutem, dhuroni maska, dorashka dhe rroba në Wuhan: Ju lutem, na ndihmoni. Ju lutem, na dhuroni syza mbrojtëse, maska dhe veshje mbrojtëse. Furnizimet tona nuk mjaftojnë.”
Deri më tani raportohet zyrtarisht se 56 persona kanë humbur jetën dhe mbi 2 mijë janë prekur nga Coronavirusi.
Pretendime se ky numër mund të mos jetë i vërtetë ka patur edhe nga ekspertë të tjerë, por nuk dihet ende si qëndron e vërteta.
