Ditën e djeshme u lajmërua se transporti urban në Tiranë do të përgjysmonte urbanët që qarkullojnë në kryeqytet. Përfaqësuesit e Unionit të Transportit ditën e djeshme në njoftimin që publikuan për mediat theksonin se shkak për këtë u bë mosplotësimi i kërkesave nga organet shtetërore përsa i përket ndihmës ekonomike në kushtet e pandemisë si dhe rritja e vazhdueshme e çmimit të naftës.
Ata kërkojnë indeksim të çmimeve të aboneve mujore dhe biletës së urbanëve, si dhe kanë paralajmëruar se në rast se nuk bien dakord dhe nuk do i përmbushen kërkesat do të ulin kapacitetin e tyre funksional deri në 20% duke filluar nga data 1 nëntor. Shoqata gjithashtu më 8 tetor 2021 i është drejtuar me një letër edhe kryeministrit Edi Rama, ku i ka parashtruar edhe kërkesat.
Çfarë kërkojnë operatorët?
Operatorët kërkojnë indeksim të çmimit të biletës dhe të abonesë mujore. Çmimi i biletës të transportit urban në Tiranë është 40 lekë dhe i abonesë të linjës 1,200 lekë dhe abonesë të përgjithshme 1,600 lekë. Kërkohet kompesimi i biletës në 30 lekë dhe i abonesë me 600 lek. Në shkresën zyrtare dërguar institucioneve përgjegjëse, kërkohet gjithashtu ulja e TVSH-së, dhe heqja e akcizës ose të taksës të qarkullimit për naftën.
Në rast të mosdakordësisë dhe mospërmbushjes së kërkesave, operatorët e këtij shërbimi njoftojnë se do ta ulin në 20% kapacitetin e tyre funksional, prej 1 nëntorit.
Z
