Qeveria shqiptare ka dorëzuar pak ditë më parë në Kuvend një nismë ligjore, ku kërkohet që përgjimet ambientale të bëhen pa lejen e prokurorit.
Kjo nismë ligjore është kundërshtuar nga opozita, strukturat e tjera ligjzbatuese, por dhe nga vetë deputetë të maxhorancës.
Lidhur me këtë çështje ka reaguar edhe gazetarja Klodiana Lala.
Ajo ka folur nga studio e “News24” dhe është shprehur se në nenin 35 të tij parashikohet që në ambiente publike, policia mund të përgjojë pa marrë autorizimin e një prokurori.
SPAK dhe Prokuroria e Përgjithshme janë shprehur kundër ndryshimeve në ligjin për Policinë e Shtetit.
Sipas gazetares çështja e përgjimeve është e rregulluar, duhet autorizmi i prokurorit, mund ta vendosë edhe oficeri por duhet të lajmërojë menjëherë prokurorin.
Sipas Lalës, ky ligj bie ndesh me Kodin e Procedurës Penale dhe me Kushtetutën.
“Kryeprokurori Olsjan Çela vendosi të dalë kundër qeverisë për këtë pr/ligj duke arsyetuar se cënon liritë dhe të drejtat e individit.
Qeveria po tenton t’i japë dorë të lirë policisë që të kryejë përgjime në ambiente të hapura dhe brenda transportit publik pa marrë autiorizimin e prokurorit.
Sipas Çelës kjo bie ndesh me Kushtetutën, cënon rëndë liritë dhe të drejtat e njeriut.
Çështja e përgjimeve është e regulluar, duhet autorizim i prokurorit, mund ta vendosë edhe oficeri por duhet të lajmërojë menjëherë prokurorin.
Ky ligj bie ndesh me Kodin e Porcedurës Penale dhe me Kushtetutën. Ka vënde si Amerika që e praktikojnë këtë gjë por ne kemi një polici problematike.
I kemi pasur të lidhur me trafikant droge apo kishin lidhje me kriminelë. Një punonjës policie që bashkëpunon me trafkantët nuk mendoni që do ketë dorë të lirë të favorizojë atë grup kriminal në lidhje me kundërshtarët e tij?”, u shpreh Lala.
