Gjykata Italiane ka dhenë urdhër për arrest shtëpie kundrejt Gabriele Tadini, i cili cilësohej si përgjegjës për shembjen e teleferikut në Itali, pasi ai e kishte konstatuar edhe më parë se teleferiku kishte patur probleme me sistemin e frenimit.
Sipas “Il Giorno”, gjyqtarja Donatella Bonci Buonamici, vendosi që Tadini të lihej në arrest shtëpiak, pasi provat nuk janë mjaftueshëm të rënda për të që ta linte në burg. Ndërsa për dy punëtorët e tjerë, ajo tha se ka mungesë totale provash, prandaj nuk mund të arrestohen dhe janë lënë të lirë
“Nuk ka të mjaftueshme indikacione faji mbi Luigi Nerini dhe Enrico Perocchio, si dhe deklaratat e Gabriele Tadin nuk janë shumë të besueshme. Për momentin, ka vetëm supozime”, u shpreh gjykatësja Buonamici.
Ngjarja e rëndë ndodhi para një jave në Itali, ku humbën jetën plot 14 persona, duke shkatërruar kështu 5 familje. Shumica e familjeve ishin të huaj, që jetonin prej disa vitesh në Itali.
Ndërsa i vetmi i mbijetuar, është një 5-vjeçar, i cili u shpëtua nga përqafimi i fundit që i dha i ati. Menjëherë pas ngjarjes së rëndë që tronditi vendin, Prokuroria ka nisur hetimet për të zbardhur arsyen e vërtetë që shkaktoi këtë tragjedi, që ka marrë vëmendje të madhe.
