Sapo ka përfunduar mbledhja e kryesisë së Partisë Socialiste.
Në dalje nga selia rozë, kryeministri Edi Rama zbuloi se u diskutua për atë çfarë do të miratohet në Asamblenë Kombëtare të PS-së e cila do të zhvillohet ditën e shtunë në Xibrakë. Rama gjithashtu tha se dy palët po negociojnë që të zgjidhet një president që sipas tij do t’i kthejë normalitetin zyrës së kreut të shtetit.
“Sot diskutuam për procesin për hyrjen në zgjedhjet në parti për kryetarët e gjitha njësive dhe në Asamblenë Kombëtare do të miratojmë një sërë dokumentash që sot u miratuan në kryesi dhe që vijuan nga Kongresi pas ndryshimet statusore në funksion të rregullave të funksionimit të partisë.
Detyrimet e Kongrssit pas ndryshimeve të të gjithë funksionimit të partisë. Pati një informacion nga grupi i posaçëm që kemi ngritur, sot kanë filluar bisedimet zyrtarem e palët e tjera në Kuvendin e Shqipërisë për të identifikuar një figurë që mund të ketë një mbështetje më të gjerë se sa ne që jemi shumicë. Do shohim nëse ka vullnet, shansët janë shumë të mira, jemi të gatshëm që të jemi sa më të hapur në funksion të zgjedhjes së një Presidenti që të garantojë mbylljen me sukses të një çmenduri në Presidencë
Ne nuk jemi ulur në tryezen e paragjykimeve, do të gjykojmë nga emrat dhe jo paragjykimet nga vijnë emrat. Në këtë ceshtje jemi në një tryeze, nese do te jetë e pelqyshme, do të japim 100 %. Nëse jo, në fund fare falë ndryshimeve kushtetuese, janë më shumës e 71 vota në parlament dhe Shqipëria do të ketë një president normal”, tha Rama.
