Tifozeria e zjarrtë dhe zemra nuk mjafton, por Shqipëria del me kokën lart nga ky Europian ku fati i kuqezinjve ishte i shkruar që në short. Spanja arriti të shënojë vetëm brenda 13 minuta përballë “Legjionarëve” tanë, duke na prerë goxha hovin, në këtë sfidë tejet të rëndësishme për kombëtaren tonë. Një kundërsulm i spanjollëve u finalizua më së miri nga Ferran Torres, i cili me një goditje diagonale brenda zonës mposhti portierin Strakosha. Me këtë rezultat minimalis u mbyll dhe ndeshja e sotme.
Në “grupin e ferrit” kombëtarja Kuqezi përveç ndeshjes me Italinë, ku pati një lojë jo të mirë, ndaj Kroacisë dhe Spanjës ka bërë një lojë fantastike.
Nuk duhet mohuar merita e një tifozerie fantastike, që i bëri lojtarët e kombëtares të ndihen si në “Air Albania”.
