Kanë kaluar kohë që nga sulmi i parë i Rusisë ndaj Ukrainës, teksa sipas njoftimeve të instancave përkatëse ukrainase, numri i të plagosurve dhe viktimave në këtë shtet ka kapur një shifër të frikshme. Sot është mbajtur një takim mes Rusisë dhe Ukrainës për vendosjen e paqes. Sapo është njoftuar nga ane e Turqisë se takimi për bisedimet e paqes mes delegacioneve ruse dhe ukrainase, ka përfunduar.
Ekipet janë takuar në Stamboll për të negociuar për një armëpushim dhe një fund të konfliktit në Ukrainë. Roman Abramovich ishte i pranishëm në bisedime, por jo zyrtarisht pjesë e ekipeve negociatore.
Këshilltari i Presidentit ukrainas ka zbuluar çështjet që u diskutuan në Stamboll.
“Çështja e parë ishte marrëveshja për garancitë ndërkombëtare të Ukrainës. Vetëm me një marrëveshje të tillë përfundon lufta. Ukraina pranon statusin neutral vetëm nëse i jepen garanci”, tha Mykhailo Podolyak.
Çështja e dytë, shtoi Podolyak, “kishte të bënte me armëpushimin, në mënyrë që çdo problem humanitar të zgjidhet”.
“Dua të nënvizoj se sot kemi një tjetër problem, që është përshkallëzimi i luftës, i urrejtjes, dhunës dhe shkelja e rregullave të luftës, jo vetëm në fushë-betejë”, tha këshilltari presidencial.
Takimi mes dy vendeve për të arritur një paqe të konsoliduar nisi sot në Stamboll të Turqisë dhe kjo në orën 10:00.
