Hermes Nika, i njohur ndryshe si “Zogu i Tiranës” ndodhet në burg, pasi mbi të rëndon akuza për shfrytëzim prostitucioni.
Ditën e djeshme, Gjykata e Apelit Tiranë vendosi për qëndrimin në qeli të Nikajt, për një kohë të papërcaktuar.
“Shqiptarja.com” ka zbardhur sot dëshminë e vajzës që shfrytëzonte Nikaj.
Ajo është jetime, pasi nëna e saj është vrarë nga i ati, i cili ndodhet në burg.
Vajza me inicialet D.N tregon se në rrjetin e prostitucionit të Hermes Nikaj ishte dhe një vajzë që punonte si efektive policie në Tiranë.
Referuar rrëfimit të vajzës, Hermes Nikaj përdorte një fjalë të koduar “Telebingo”, çka nënkuptonte se ajo duhej të bëhej gati, pasi kishte dal “një klient i mirë”.
D.N, ka pohur gjithashtu se një vajzë me iniciale I.A, e cila është shfaqur para publikut si këngëtare, është shfrytëzuar në dy raste të tjera nga një personazh i njohur nga Kosova me iniciale K.K, i cili drejton një emision në një televizion në Shqipëri.
Ajo po ashtu ka rrëfyer edhe një rast tjetër, që lidhet me Anjeza Bena, e cila sipas dëshmisë së vajzës, e ka çuar në Frashër të Përmetit, ku ka kryer gjatë natës marrëdhënie seksuale me shokun e të dashurit të parukieres.
Bena është pronare e një qendre estetike në Tiranë, u arrestua nga policia dhe është lënë më tej në “arrest shtëpiak”,
Kjo dëshmi dhe komunikimet telefonike nxjerrin në pah se Hermes Nikaj, kishte kohë që aplikonte metoda kriminale, duke shfrytëzuar vajza të reja, të cilave u gjente klientë për të kryer marrëdhënie seksuale në këmbim të pagesave në euro dhe lek.
Në pjesën më të madhe të rasteve, Nikaj vetëofronte marrëdhënie seksuale tek klientë të ndryshëm, duke shitur trupin e tij.
