Një gropë me hidrokarbure nafte është përfshirë nga flakët në Marinzë. Mësohet se si pasojë e zjarrit rrezikohet një stallë që ndodhet aty pranë. Ndërkohë, bëhet me dije se zjarri është shkaktuar nga djegia e shkurreve. Në vendin e ngjarjes kanë mbërritur policia dhe zjarrfikësit e Patosit.
Kujtojmë që situate e zjarreve në vendin tonë ishte tepër kritike gjatë muajit korrik, kur shumë vatra ishin active. Problematike ishte situate në Karaburun, ku u deshën disa ditë për të shuar zjarret. Po ashtu djegia e mbetjeve në Sheq të Fierit për disa ditë me radhë, ishte një tjetër problematikë, teksa tymi dhe era e keqe u përhapën në gjithë qytetin.
Në Gjirokastër flakët dolën jashtë kontrolit në fshatin “Asim Zeneli”, ku humbi jetën një 64 vjeçar, ndërsa më pas ndërroi jetë në spital edhe bashkëshortja e tij.
Ndërkohë, edhe ditët e fundit janë shfaqur problematike pasi herë pas here ka pasur vatra zjarri që përbënin rrezik.
Vetëm disa ditë më parë në qytetin e Lushnjës, flakët përfshinë landfillin e e mbetjeve. Po ashtu, një tjetër vatër zjarri është aktivizuar para disa ditësh në Vlorë, në fshatin Panaja, dhe u shkrumbuan qindra rrënjë ullinj. Flakët vazhduan për disa orë rresht, të favorizuara edhe nga era e fortë.
