Një ngjarje e rëndë ka ndodhur në Korçë ditën e sotme, ku një banesë është përfshirë nga flakët dhe si pasojë ka humbur jetën një person. Në momentin që ka rënë zjarri në banesë ishin katër persona, katër prej të cilëve kanë mundur të shpëtojnë. Tre persona kanë mundur të shpëtojnë, ndërsa një prej tyre, Vasil Dolani, rreth 65-vjeç ka mbetur i bllokuar në banesë, duke mos arritur të dalë e si pasojë ka ndërruar jetë.
Ngjarja e rëndë ndodhi në lagjen 12 , në zonën e quajtur “Çezma e Amzës”. Në vendin e ngjarjes ndodhen shërbimet zjarrfikëse për të bërë të mundur shuarjen e flakëve. E pransishme është edhe policia, e cila po punon për zbardhjen e plotë të rrethanave të ngjarjes.
Shkaqeet e zjarrit ende nuk dihen, por paraprakisht dyshohet se ka ndodhur pëe shkak të një shkëndije elektrike. Ndërkohë, nuk dihet ende gjendja e personave të tjerë që kanë qenë në banesë, ndërsa ata janë dërguar në spitalin e Korçës për të marrë ndihmën e nevojshme mjekësore. Ndër të tjera mësohet se familja ishte në gjendje shumë të keqe ekonomike.
Për ngjarjen në fjalë pritet edhe një reagim zyrtar nga ana e policisë, për të sqaruar rrethanat në të cilat ndodhi.
