Një shtëpi është përfshirë nga flakët në lagjen nr.18 në qytetin e Durrësit. Sipas njoftimit zyrtar të policisë, është shkrumbuar banesa e pabanuar e shtetasit me inicialet F.B., 80-vjeç. Për fat të mirë nga flakët që kanë përfshirë banesën nuk ka asnjë të lënduar dhe raportohet vetëm për dëme materiale. “Më datë 25.07.2021, në orën 16:05, në lagjen nr.18, Durrës, ka rënë zjarr në banesën e pabanuar të shtetasit F. B., rreth 80 vjeç. Si pasojë ka vetëm dëme materiale.”, thuhet në njoftimin zyrtar të Policisë.
Gjothashtu mësohet se në vendin e ngjarjes kanë mbërritur menjëherë shërbimet zjarrfikëse të cilat po punojnë për neutralizimin e flakëve, të cilat favorizohen edhe nga nxehtësia dhe era e lehtë që i shtynë të përhapen me shpejtësi. Po ashtu mësohet se ka mbërritur edhe grupi hetimor i cili po punon për përcaktimin e shkakut të zjarrit dhe rrethanave.
Njoftimi i plotë i policisë së Durrësit:
Durrës/Informacion paraprak
Më datë 25.07.2021, në orën 16:05, në lagjen nr.18, Durrës, ka rën zjarr në banesën e pabanuar të shtetasit F. B., rreth 80 vjeç. Si pasojë ka vetëm dëme materiale.
Shërbimet e zjarrfikëses ndodhen në vendngjarje dhe po punojnë për shuarjen e flakëve, grupi hetimor po punon për përcaktimin e shkakut të zjarrit.
