Një zjarr ka përfshirë një pallat në zonën e Astirit, duke shkaktuar panik mes banorëve.
Sipas raportimeve paraprake, zjarri dyshohet të jetë shkaktuar nga një paketë elektrike, duke prodhuar tym të dendur që ka penguar disa banorë të dalin nga apartamentet e tyre.
Në vendngjarje kanë mbërritur menjëherë shërbimet e zjarrfikësve, të cilat kanë ndërhyrë për shuarjen e flakëve dhe për të ndihmuar banorët e bllokuar. Edhe forcat e policisë janë angazhuar në evakuimin e banorëve dhe sigurimin e zonës.
Fatmirësisht, nuk raportohet për persona të lënduar.
Ndërkohë, grupi hetimor po punon për zbardhjen e plotë të ngjarjes dhe përcaktimin e shkaqeve të sakta të zjarrit.