Gjatë mesditës së sotme një makinë e drejtuar nga shtetasi R.S, 25-vjeç, është përfshirë nga flakët.
Sipas hetimeve paraprake dyshohet se flaka është shkaktuar nga një shkëndijë elektrike.
Ngjarja ka ndodhur në Bulevardin “Gjergj Fishta”, dhe pas bllokimit të urës ku kalojnë makinat, janë lajmëruar zjarrëfikëset të cilat kanë ardhur me shpejtësi për shuarjes e flakëve.
Bëhet me dije se drejtuesi i mjetit është në gjendje të mirë shëndetësore. Po ashtu grupi hetimor ndodhet në vendngjarje dhe vijon punën për zbardhjen e rrethanave të ngjarjes.
Njoftimi i plotë:
Tiranë/Informacion paraprak
Më datë 10:01.2021, rreth orës 12:20, në bulevardin “Gjergj Fishta”, si pasojë e një shkëndije elektrike ka marrë flakë në lëvizje mjeti me drejtues R.S., 25 vjeç, ku ka vetëm dëme materiale. Nuk ka probleme drejtuesi i mjetit.
Grupi hetimor ndodhet në vendngjarje dhe vijon punën për zbardhjen e rrethanave të ngjarjes.
Ndërkohë një ngjarje e ngjashme ka ndodhur sot edhe në rrugën e Plepa-Kavajë, ku një automjet është përfshirë nga flakët.
Bëhët me dije se makina ishte në ecje kur u përfshin nga flakët. Nuk dihet ende nëse ka të lënduar dhe as se çfarë shkaktuar flakët në mjet.
Edhe atje në vendngjarje kanë mbërritur zjarrëfikësat dhe po punojnë për vënien nën kontroll të flakëve./Gazetareforma.com/
