Ka përfunduar sot afati i fundit i paraqitjes së ankesave për përfitim të ndihmës financiare sipas Paketave 1 dhe 2.
Drejtoria e Përgjithshme e Tatimeve kishte njoftuar qytetarët që të kontrollonin llogaritë në e-filling, për të parë nëse të dhënat ishin plotësuar në mënyrë të saktë.
Data 25 Gusht 2020, ishte afati i paraqitjes së ankesave për përfitim të ndihmës financiare
Administrata Tatimore do të vijojë me procesin e trajtimit të ankesave/kërkesave të dërguara nga çdo tatimpagues apo individ.
Deri më sot, të gjithë tatimpaguesit kishin mundësi tё kontrollonin llogarinë e tyre në e-filling, për të verifikuar mundësinë e korrigjimit të të dhënave të llogarive bankare, të individëve përfitues, për të cilët ky informacion ishte plotësuar në mënyrë të pasaktë.
Me Paketën 1 përfituan 3 këstet e pagesës minimale prej 26 mijë lekë, rreth 130,5 mijë qytetarë për 38,8 mijë biznese. Përfitues ishin edhe qytetarët që trajtohen me ndihmë ekonomike dhe pagesë papunësie. Për t’i ardhur në ndihmë kësaj kategori qeveria vendosi dyfishim të 3 pagesave.
Për Paketën 2, sipas të dhënave të Ministrisë të Financave nga totali i përfituesve, rreth 23,4 mijë kanë përfituar ndihmën pas ankesave. Deri më 24 korrik ndihmën e përfituan 172,172 të larguar nga puna në 47,388 biznese nga 210 mijë që është numri total i përfituesve të pritshëm.
/ABC News
